Documento sin título

¿Que obras se poden inscribir?

No rexistro poden inscribirse os dereitos sobre tódalas obras, actuacións e produccións protexidas pola Lei de propiedade intelectual.

¿Que obras poden acceder ó rexistro?

Tódalas creacións orixinais literarias, artísticas ou científicas, expresadas por calquera medio ou soporte, comprendéndose entre elas e a título de exemplo:

- Os textos literarios ou científicos, discursos, alocucións e conferencias.
- Composicións musicais.
- Obras teatrais.
- Obras audiovisuais.
- Obras artísticas como esculturas, debuxos, gravados, cómics, fotografías e as demais obras plásticas sexan ou non obras de arte aplicada.
- Obras e proxectos arquitectónicos ou de enxeñería.
- Programas de ordenador.

¿Que obras non están protexidas pola Lei de propiedade intelectual?

É doado aclarar que non están protexidas pola Lei de propiedade intelectual e polo tanto non poden acceder ó rexistro:

- As ideas, procedementos, sistemas, métodos de operación ou conceptos matemáticos en si mesmos.
- As disposicións legais ou regulamentarias, resolucións dos órganos xurisdiccionais, dictames de organismos públicos, como tamén as traduccións oficiais dos citados textos.

¿Quen pode solicitar unha inscrición?

Poden solicita-la inscrición por si mesmos ou mediante representante:
- Os autores e demais titulares de dereitos de propiedade intelectual con respecto á obra propia, actuación ou producción.
- Os sucesivos titulares de dereitos.

¿Dende que data produce efectos a inscrición?

A inscrición é eficaz dende a data de presentación da solicitude, sempre e cando non teña erros substanciais, de se-lo caso, será a data na que se achegue a documentación que corrixa estes.

SOLICITUDE DE INSCRICIÓN

Requirimentos da solicitude:
As solicitudes de inscrición preséntanse achegando:
- O impreso oficial de solicitude por duplicado.
- O exemplar identificativo da obra, actuación ou producción.
- A documentación complementaria, segundo os casos, requirida en virtude da lexislación sobre a propiedade intelectual.
- Xustificante do pago da taxa correspondente.

¿Como cumprimeta-lo impreso oficial de solicitude?

O impreso que está composto de dúas partes, modelo A (por duplicado) e modelo B, ten que cumprimentarase a máquina ou con letras maiúsculas e ser asinado polo solicitante. Contén as seguintes mencións:

MODELO A:

»Descargar modelo A1

»Descargar modelo A2

SOLICITANTE: cumprimentarase tódolos datos de identificación da persoa física que efectúa a solicitude, indicando o enderezo correspondente para os efectos de comunicación.
Se fose en representación deberá acreditar esta, sendo suficiente cun documento privado de autorización para actuar ante o rexistro asinado polo autor e o titular de dereitos.
TÍTULO: indicarase o título da obra, actuación ou producción da inscrición que se solicita e que deberá cadrar co que figura no exemplar identificativo.
AUTOR/ES: faranse consta-los datos identificativos do autor e de ser varios, os datos de cada un deles axuntando fotocopia do DNI ou pasaporte.
Considérase autor á persoa natural que crea unha obra literaria, científica ou artística.
TITULAR DO DEREITO: os dereitos de propiedade intelectual corresponden ó autor polo só feito da creación da obra. Polo tanto, o titular orixinario do dereito é o propio autor.
- Se o titular é unha persoa distinta do autor achegaranse os seus datos identificativos, xunto coa fotocopia do DNI, pasaporte ou CIF, segundo proceda.
- Se o titular fose unha persoa xurídica deberá acreditar, ademais, a súa personalidade.

MODELO B:

»Descargar modelo B

Este modelo é diferente dependendo da clase de obra, actuación ou producción dos dereitos que pretenden inscribirse.
En tódolos supostos deberá indicarse se a obra ou actuación está ou non divulgada e a data e lugar da dita publicación. Ademáis terá que indicar en cal dos recadros que constan no modelo de solicitude B se adscribe a súa obra.