Obras en soporte papel

•    Presentaranse encadernadas ou protexidas e grampadas dentro dunha carpeta.

•      Paxinarase a obra.

•     Na portada constará o título completo e nome e apelidos do autor ou titular orixinario.

•    Oautor/es asinarán na primeira e última páxinas.

•     En caso de aportarse fotografías, deberase indicar de quen son.

Obras en soporte distinto ao papel

•        Presentarase debidamente protexido.

•       Asinarase no propio soporte polo autor ou autores.

•       En todo caso, aportarase un resumo por escrito asinado por quen lle corresponda a autoría.

Obras colectivas

•         Manifestación de que a obra ten o carácter de colectiva.

•         Certificado de constitución de depósito legal.

•      Exemplar da obra editada. Se nesta constan como autores as persoas naturais que crearon a obra, farase constar o seu nome, apelidos e DNI.

Obras compostas ou derivadas

•        Nome e apelidos do autor ou coautores da obra preexistente, así como a súa autorización.

Obras non escritas en galego ou castelán

• Deberá facerse constar o título orixinal e a súa traducción, así como un breve resumo da obra e o índice desta traducido ao galego ou o castelán.

Documentos que se deben aportar

• xXuntarase fotocopia do DNI ou pasaporte en vigor do autor ou autores e do solicitante.

• Se o solicitante non é autor, deberá presentar autorización asinada polo autor ou autores igualmente, se son varios os autores e soamente un deles presenta a obra.

• Se hai cesión de dereitos, aportarase o documento da cesión no que consten tódolos requisitos que esixe a lei de propiedade intelectual para este tipo de actos xurídicos.

•  Ademais aportarase a escritura pública de constitución da sociedade (ou inscrición no correspondente rexis­tro de Fundacións, Asociacións, etc.); e poder do representante que acepta a cesión (se non figura xa na escritura).

•    Fotocopia do CIF da persoa xurídica.

•    Se hai relación laboral, cubrir impreso oficial e aportar última nómina se é traballador da empresa, así como copia do contrato de traballo.